Samoosa

Ek wil eerstens begin deur net te noem dat ek werklik geen idee het waar die taalfunksie is nie, en tweedens dat spellcheck my lelik in die steek laat deur woorde te verander na hul Engelse maatjie. Not nice. So, byt maar op jou vinger, potlood, begin jou hare uitpluk of kneus die persoon langs jou stadig, ek kan nou eerlik nie help vir taalfoute nie. Deal with it, asb.

My proeftydperk is nou amper in die laaste pylvlak...uiteindelik. Moet my nie verkeerd verstaan nie, ek geniet die skool. Dis die vroeg opstaan wat my nou begin vang. Oh! en dat my vriende met vakansie is (wees trots julle taal fundi's! ek het gese met en nie op nie). Kyk, as jou ma ooit vir jou se "my kind, word eerder n prokureur of dokter". Luister vir haar. Skool is beslis rof. Ek verwys nou nie na die leerders nie, die is van nature rof. Met hulle hormone wat teen die mure drip, ongeskikte aanmerkings en die af en toe boelie, is die uitkoms nou nie juis die van n opknappingskool nie. Nee! As ek se skool is rof verwys ek meer na die admin. Wow. Wanneer het n skool n mini besigheid geword?
Finansiele beampte, hoof van bemarking, leier van dit en portefeulje van dat. Dan wil dit voorkom asof leerders gekeur moet word om toelating. Stom. "Jammer mevrou, maar ons moet kyk na *** se punte voor toelating oorweeg kan word", want behoed dat *** swak vaar op skool, want dan raak dit die skool se slaagsyfer in matriek.

Dan verdien die WKOD (Wes-Kaapse Onderwys Dept) om genoem te word. Kyk, in baie provinsies gaan dit sleg, maar in die Republiek van die Wes-Kaap kan ons werklik nie kla nie. Of probeer om minder te kla (dit bly immers n nasionale instelling). Die arme opvoeders moet gereeld vir opleiding gaan: dan vir rekenaars, dan moet almal in n ding met wiele gelaai word om te gaan registreer vir iets anders. Elke oggend moet ons 5 arme proefstudente dit aanhoor wat die dept. nou weer laat weet het: eers word die ANNAS (of so iets) geskryf, dan word dit die volgende dag afgestel weens vraestelle wat besaai le in een of ander kantoor erens.

Vir die van julle wat nie weet nie, soos enigiets in die lewe, gaan die onderwys oor beplanning, en as jy die tipe mens is wat nie kan beplan nie moet jy 1) eerder my unfriend op Facebook en 2) die onderwys glad nie oorweeg nie. Dinge kan binne n paar uur verander. Wel van die dept se kant af. Binne die skool opset, kan dinge in n oogwink verander. Sarel slaan vir Karel, dan kry hy n aantekening op een of ander bladsy. Of, Sarel se ouers word gekontak. En moenie kommer nie, as niemand dit gesien het nie, kan ons altyd gaan kyk na die CCTV materiaal. Smile! Gevang!

En deur dit alles sit ek rustig, neem ek alles waar, en eet my R5 beef samoosa. Want dis lekker.